Sipas Ibrahimit, për fajin e Qeverisë, përqindja e mjeteve të shpenzuara nga komunat për investime kapitale nuk është edhe më e lartë.
“Komunat harxhojnë mbi 61% të mjeteve për investime kapitale që është shumë më mirë se sa Qeveria. Komunat me këtë % të shpenzimeve e rrisin edhe % e shpenzimeve në nivel vendi e cila për këtë vit, për fajin e Qeverisë, nuk është e lartë”, tha Ibrahimi.
Sipas tij, me përqindjen e shpenzimeve për investime kapitale shumë projekte kanë mbetur pa u realizuar nëpër komuna.
“Sipas informatave të Asociacionit, Qeveria ka shpenzuar rreth 49% të mjeteve për investime kapitale dhe kjo është jashtëzakonisht % e ulët ku me qindra miliona EUR nuk janë zbatuar shumë e shumë projekte të cilat do përmirësonin jetën e qytetarit”, tha Ibrahimi.
