Gecaj në emisionin “Ditari” në Tëvë1, tha se Qeveria është dashur të dijë se vendimi për targat ilegale të veturave të lëshuara nga Serbia do të sjellë pasoja të tjera.
“Po shpresoj se Qeveria ka nxjerr një mësim prej hapave të mëparshëm të gabuar në menaxhimin e krizave dhe t’i përmirësojë gabimet që i ka bërë. Për mendimin tim është shkuar në disa qëndrime edhe politike edhe ligjore në hap përpara para se të përgatis terrenin. Është dashur të dihet që një vendim siç ka qenë ai për tabela do të sjellë pasoja të tjera, sepse sinjale ka pasur që popullata serbe nuk do të pajtohet shumë lehtë me këtë çështje”, ka deklaruar ai.
Sipas tij, Serbia e di shumë mirë që Kosova s’mund të jetë pjesë e saj dhe se planet serbe janë të dështuara.
“Ata do të sajojnë edhe rreziqe të tjera deri sa të fillojnë bisedimet për zgjidhjen finale mes Kosovës dhe Serbisë për veriun. Serbia e di shumë mirë që Kosova më nuk mund të jetë pjesë e saj, janë plane të dështuara”, tha Gecaj. /Teve1.info/
