Në ditën e sotme ka përfunduar zyrtarisht afati kalimtar dimëror për basketbollistët vendor.
Në ekipet kosovare ka pasur pak lëvizje ndoshta dhe për shkak të kohës së shkurtër të dhënë nga Federata e Basketbollit të Kosovës, e cila ishte vetëm 3 ditë.
Sigal Prishtina është skuadra më e përforcuar me gjithsej 3 lojtarë. Dyshen e djelmoshave të rinjë nga Marigona Hill Prishtina, Enver Memqaj dhe Eris Zenelin, si dhe lojtarin nga Shtetet e Bashkuara të Amerikës, Both Gach.
Gach, është 23 vjeqar dhe 197 centimetra i gjatë, që pozicionohet në pozitën e fundorit dhe alos. Për të klubi bardh e kaltër do të jetë eksperienca e parë profesionale, pasi gjatë karrierës së tij është inkuadruar vetëm në ligën kolegjiale pra NCAA me ekipin Utah Utes.
Ekipi i Trepçës është përforcuar me djaloshin nga qyteti i Mitrovicës, Musab Malën. 26-vjeçari u rikthye tek Trepça ku ishte pjesë e sajë së fundmi në sezonin 2017-2018. Përpos Trepçës, Musabi ka pasur karrierë të bujshme dhe në ekipe tjera si tek: Rahoveci, Bashkimi, Vëllaznimi, Ulpiana dhe Borea.
Ekipi i Pejës është përforcuar me Samir Zekiqin. Zekiqi u rikthye tek Peja ku ishte në taborin verdh e zinjë edhe në vitin 2016. Samiri përveq Trepçës ishte pjesë dhe e Bashkimit e Golden Eagle Yllit.
Ekipi tjetër nga Rafshi i Dukagjinit, Kb Vëllaznimi nga Gjakova është përforcuar me ish-lojëtarin e Rahovecit, Jahi Carson. Carson në pjesën pranverore ishte një nga lojtarët më efikas të ekipit “Vreshtarë”, ” por pas largimit të Mujo Thaqit mori valigjet dhe lojtari amerikan.
Ndërsa tek tabori i Vreshtarëve, janë rikthyer dy lojtarë vendor. Arian Balluku i cili këtë sezon ishte pjesë e KB Bashkimit dhe Ujkan Karanezin që ishte pjesë e New Basket që garon në Ligën e Parë të Kosovës.
E sa ju përket basketbollistëve të huaj, klubet mund të përforcohen deri 72 orër para fillimit të xhiros së 22-të të garave të elitës.
