Në një lidhje direkte në “Info Nata” në Tëvë 1, Nikçi theksoi se Prokuroria zotohet se do t’i ndërmarrin të gjitha veprimet e nevojshme lidhur me rastin.
“Si Prokurori jemi në fazën e hetimeve, për shkak se rasti është i ndjeshëm duhet të jemi të rezervuar në dhënën e informatave për shkak se mund t’i dëmtojmë hetimet. Mirëpo çka është relevante është se prokurorja e çështjes është duke i prit raportet nga Inspektorati Shëndetësor dhe njëkohësisht i ka shprehur se do t’i mbajë të informuar prindin me veprimet të cilat rezultojnë varësisht nga raporti i Inspektoratit Shëndetësor. Ne e kuptojmë familjen për shkak se kanë dhimbje, mirëpo ajo se çka zotohemi si Prokurori është se do t’i ndërmarrim të gjitha veprimet e nevojshme”, tha ai.
Spitali i Përgjithshëm në Pejë ka njoftuar se shtatë punëtorë të këtij spitali janë suspenduar pas raportimeve se dyshohet se një foshnje e lindur pa shenja jete është futur në rrobalarëse e mbështjellë me çarçafë nga personeli mjekësor.
Spitali i Pejës bën të ditur se janë duke u bërë hetimet lidhur me mënyrën se si është bërë ruajtja e fetusit të vdekur dhe çfarë ka ndodhur deri tek dorëzimi te familjarët. /Teve1.info/
https://teve1.info/lajmet/rasti-i-foshnjes-se-vdekur-ne-spitalin-e-pejes-suspendohen-7-punonjes/
