Shefi i Mbrojtjes në Mbretërinë e Bashkuar, Gjenerali James Swift gjatë javës së kaluar i dërgoi mesazh zinxhirit të komandës duke theksuar se personeli ushtarak i tyre “nuk ishte i autorizuar të udhëtonte atje”.
Ai deklaroi se nëse kishte ndonjë dyshim se trupat po përpiqeshin të shkonin në Ukrainë, duhet të raportohej menjëherë në policinë e shërbimit.
Ky mesazh paralajmëronte se nëse personeli ushtarak britanik në shërbim do të shkonte për të luftuar në Ukrainë, do të rrezikonin jo vetëm jetën e tyre por gjithashtu jepnin Rusisë “një perceptim të gabuar” se Britania kishte dërguar trupa për t’u përfshirë në armiqësi.
Shefi i shtabit të mbrojtjes, Admirali Sir Tony Radakin, e ka nënvizuar atë mesazh, duke i thënë BBC-së se ky veprim do të ishte “i paligjshëm dhe i padobishëm”./teve1.info/
