Ministri i Financave, Hekuran Murati theksoi se ndarja e këtyre mjeteve ndihmon që çmimet të mos rriten në mënyrë të papërballueshme, përcjell teve1.info
“Ky propozim vendim ka të bëjë me ndarjen në kuadër të Ministrisë së Ekonomisë e që përbën hapin e radhës drejt përmbushjes së zotimit tonë për të ndarë 100 milionë euro në subvencionim të tarifave të enegjisë elektrike, ashtu që ato të mos rriten në mënyrë të papërballueshme. Pra, ndarja e radhës në kuadër të ndarjes fillestare që ka qenë 60 milionë euro me vendimet e kaluara, është edhe 5.4 milionë euro në mënyrë që të mbulohet subvencionimi i deritanishëm sipas modalitetit të përzgjedhur nga Ministria e Ekonomisë”, theksoi ai.
Më 21 tetor, Qeveria kishte ndarë pesë milionë euro për zbatimin e masës 3.7, mbështetje për tejkalimin e krizës energjetike, në kuadër të Pakos për Ringjallje Ekonomike.
Pakoja për Ringjallje Ekonomike ishte prezantuar nga ministri Murati, duke thënë se ky plan ka për qëllim përballjen me inflacionin që e ka goditur Kosovën. /Teve1.info/