Edhe pse kanë kaluar shumë orë, policët po vazhdojnë ta mbajnë sigurinë për banorët e Lagjes së Boshnjakëve, këtu në veri të Mitrovicës.
Për të qenë sa më në formë, po furnizohen me ushqime nëpër byrektoret e lagjes.
Pranë tyre, në vazhdimësi po lëvizin me vetura ekipet e KFOR-it dhe EULEX-it.
Rritja e pranisë policore, po i bënë të ndihen më të sigurt banorët.
Kjo pasi që edhe mesnatën e së enjtes, grupe të ndryshme qarkulluan të maskuar nëpër lagjen e banuar me shumicë shqiptare.
Ragip Azemi, thotë se situata është kritike.
Për tëvë1, tregoi momentin kur u sulmuan me shok-bombë, natën e së mërkurës.
Shtimi i forcave të sigurisë vendore dhe ndërkombëtare vazhdoi edhe të premtën, mbi urën e lumit Ibër.
Derisa në situata të zakonshme mbi urë qëndronin dy vetura, tani po qëndrojnë mbi 10 sosh.
Edhe numri i pjestarëve është më i madh.
Situatë më tensionuese gjendet këtu në pjesët e Zveanit.
Një natë më herët, grupe të armatosura plagosën një polic.
Fatmirësisht polici i plagosur është jashtë rrezikut për jetë.
Kronika e gazetarit Arton Rama.
