Sipas njoftimit të MD-së, katër të pezulluarit janë Nardi Sheqergjiu, Flutura Goga, Anila Lakna dhe Ilirjana Shala, përcjell teve1.info
“Pas pranimit të informacionit të zhdukjes së mostrave të Astrit Deharit, në Institutin e Mjekësisë Ligjore, Komisioni Disiplinor i Institutit për Mjekësi Ligjore/ Ministria e Drejtësisë, mori vendim për pezullim nga puna të zyrtarëve: Nardi Sheqergjiu, Toksikolog Mjekoligjor në Institutin për Mjekësi Ligjore, Flutura Goga, Udhëheqëse e Laboratorit të Toksikologjisë në Institutin për Mjekësi Ligjore, Anila Lakna, Teknike e Laboratorit të Toksikologjisë në Institutin për Mjekësi Ligjore, Ilirjana Shala, Kimiste në Institutin për Mjekësi Ligjore”, thuhet në njoftim.
Sipas MD-së, vendimi hyn në fuqi sot.
Ministrja e Drejtësisë, Albulena Haxhiu njoftoi sot se mbrëmë ka marrë lajmin se janë zhdukur mostrat e Astrit Deharit. Ajo tha se ky është një akt i rëndë kriminal dhe se qëllimi i këtij veprimi është shtrembërimi i rastit. /Teve1.info/
https://teve1.info/lajmet/4haxhiu-mostrat-e-astrit-deharit-jane-zhdukur-nga-instituti-i-mjekesise-ligjore/
