Zëdhënësi i Policisë, Besim Hoti bëri të ditur për teve1.info njëri sulm ka ndodhur në Lagjen e Boshnjakëve, teksa tjetri në Kodrën e Minatorëve.
“Dy sulme në dy lokacione të ndryshme me shok-bomba, jo granata. Ka ndodhur në Lagjen e Boshnjakëve dhe Kodrën e Minatorëve. Këto janë shok-bomba, nuk kanë aftësi shkatërruese, por kanë një efekt jashtëzakonisht të madh të zërit”, tha ai.
Për shpërthimin në Mitrovicë të Veriut raportoi edhe Tëvë 1. Sipas disa dëshmitarëve, shpërthimi u shkaktua nga një person i cili fillimisht kishte qarkulluar në atë pjesë të lagjes, e më pas nga dritarja e veturës ka hedhur një mjet shpërthyes.
Përpos Policisë së Kosovës, në vendngjarje janë edhe karabinierët italianë, si dhe kanë qarkulluar edhe disa vetura të EULEX-it. /Teve1.info/
https://teve1.info/lajmet/bomba-qe-shpertheu-ne-lagjen-e-boshnjakeve-u-hodh-nga-nje-veture-ne-levizje/
