Kështu është bërë e ditur nga burimet e teve1.info.
Po ashtu, teve1.info ka mësuar se një banor i nacionalitetit shqiptar është sulmuar nga serbët në Mitrovicën Veriore.
Ndryshe, gjatë së martës janë regjistruar disa shpërthime në Mitrovicën Veriore dhe në Zubin Potok ku janë sulmuar zyrat e Komisioneve Zgjedhore Komunale.
Lajmin për këto shpërthime e ka konfirmuar edhe Policia e Kosovës, ku përmes një komunikate thotë se shkrimet dhe publikimet nga përfaqësuesit e Zyrës për Kosovën në Qeverinë e Serbisë rreth sulmit të zyrave të KKZ-së në veri janë të pavërteta dhe tendencioze.
Përmes një komunikate, Policia thotë se sulmet ndaj zyrtarëve komunalë zgjedhor janë të grupeve kriminale përmes të cilave cenohet liria dhe siguria e qytetarëve.
“Këto deklarime nga zyra serbe kanë për qëllim dëmtimin dhe krijimin e narrativave përmes të cilave atakohet profesionalizmi, legjitimiteti dhe misioni kushtetues i PK-së për rend dhe ligj në tërë territorin e Republikës së Kosovës. Grupet kriminale duke kryer veprime të kundërligjshme përmes të cilave cenojnë lirinë dhe sigurinë e qytetarëve tentojnë t’ia atribuojnë këto veprime njësive të rregullta të PK-së të cilat janë duke kryer detyrat e tyre me shumë përgjegjësi”, thuhet në komunikatë.
Tutje, PK bën të ditur se dëmtimet e zyrave të KKZ janë bërë nga persona e grupe të maskuara të dhunshëm të cilët kanë përdorë granata dore të prodhimit jugosllav.
Po ashtu, Policia ka njoftuar se së bashku me KFOR-in janë duke ekzaminuar vendin e ngjarjes për pastrimin e zonës si dhe janë duke punuar në identifikimin e këtyre personave.
“Andaj, sigurojmë të gjithë qytetarët se situata e sigurisë në vend përfshirë edhe komunat në veri të vendit është stabile dhe ftojmë të gjithë qytetarët të jenë të qetë, të bashkëpunojnë me Policinë e Kosovës, si dhe mos të bien pre e dezinformimit dhe deklarimeve tendencioze dhe të pavërteta. Policia e Kosovës do të vazhdojë angazhimin e saj në realizimin e detyrave policore në shërbim të qytetarëve të vendit, komuniteteve pa dallim dhe ofrimin e sigurisë së përgjithshme në gjithë territorin e vendit”, thuhet në komunikatë.
Krahas komunikatës, Policia ka publikuar edhe disa pamje nga sulmi që i është bërë zyrave të KKZ-së në Mitrovicën Veriore e Zubin Potok.
https://teve1.info/lajmet/policia-sulmin-ndaj-zyrave-te-kkz-se-ne-veri-e-ben-persona-te-maskuar-me-granata-dore/
