Është një nga ishujt me popullsinë më të dendur në Indonezi.
E banorët e tij, të dielën u zgjuan nën re të forta të gazit e të mbuluar me hi.
Kjo pasi vullkani mbi fshatin Penangkal, shpërtheu edhe një herë të dielën.
Ky shpërthim i Vullkanit “Semeru”, shkaktoi panik tek banorët e këtij fshati.
Kjo gjendje e krijuar të dielën, ka shkaktuar kaos në këtë fshat.
Autoritetet atje, kanë evakuuar afër 3 mijë familje nga zona e rrezikut deri të tani.
Por, këta thonë se nuk kanë ide se ku do të strehohen.
“Nuk e di se ku po shkojmë, gjëja më e rëndësishme tani për tani është të largohemi nga këtu dhe ta shpëtoj familjen time”, tha Heri Susanto, banor i fshatit
E vullkani ishte aktiv edhe pasditen e së dielës.
Ky po mbahet në vëzhgim të vazhdueshëm nga ekipet e emergjencave.
“Orteku i lavës së nxehtë nga mali Semeru ishte ende duke vazhduar pasdite. Orteku më largët nga këtu është regjistruar 10 km ku ndodhi shpërthimi”, tha Mardian Hardipto, Kryetar i Ekipit të Emergjencave.
Shpërthimi i fundit i këtij vullkani ishte në dhjetorin e vitit të kaluar, ku la të vdekur 51 persona./Tëvë1/