“Shpresojmë që edhe tendenca e fundit e nivelit qendror, për fajin e vetë, që t’ia marrë komunave mjetet nga të hyrat vetanake nuk do të ndodhë sepse nëse ndodh kjo atëherë niveli qendror do të shkelë ligjin për menaxhimin e financave publike atë për financa lokale por edhe me të dy këmbët do të shkelë mbi kartën evropiane mbi vetëqeverisje lokale”, ka thënë Ibrahimi.
Përmes një komunikate për media, ai ka thënë se të gjitha këto sfida kanë ndikuar që komunat mos të realizojnë shumë projekte kapitale të cilat do të shkonin në dobi të qytetarit.
“Përkundër bllokadave dhe problemeve që komunat janë ballafaquar këtë vit me fajin e nivelit qendror, ato deri në fund të vitit do i shpenzojnë mbi 50 për qind të mjeteve për investime kapitale që si përqindje është më mirë se në nivel vendi e shumë më mirë sesa që niveli qendror ka shpenzuar në përqindje mjetet për investime kapitale”, ka shtuar ai.
Po ashtu Ibrahimi ka deklaruar se mosfunksionalizimi i bordit të OShP-së, mosdhënia e mundësisë komunave për rishikimin e buxhetit komunal, norma e lartë e inflacionit dhe sfidat tjera, do t’i penalizojë komunat që të përfitojnë miliona euro edhe nga skema e grantit të performancës.
