Sipas Bislimit, raporti për vendin për vitin 2022 i përpiluar nga Komisioni Evropian vlerëson se Kosova ka pasur një stabilitet politik.
Megjithatë, deputetët e komisionit nga partitë opozitare në Kuvend, e kritikuan Bislimin për ngecje në procese të ndryshme.
Kryesuesja e Komisionit, Rrezarta Krasniqi nga LDK, tha se Raporti për vendin i Komisionit Evropian nuk konstaton progres.
“32 herë në sektorë të ndryshëm përmendet që Kosova është në fazën e hershme, në raport nuk shkruan askund progres ose progres të mirë. Pra nuk ka progres”, tha Krasniqi derisa shtoi se është ulur buxheti për Ministrinë e Shëndetësinë, dikaster ky i cili tash e disa muaj është pa ministër.
Vërejtje dhe kritika pati edhe deputetja e PDK-së, Blerta Deliu-Kodra.
Deputeti i VV-së, Agon Batusha dhe deputetja e AAK-së, Time Kadriaj kanë debatuar teksa zëvendëskryeministri i Kosovës, Besnik Bislimi po fliste për votimin e marrëveshjeve ndërkombëtare.
“I keni marrë votat dhe duhet me i gjetë votat, na i kemi votu dhe po ua përmendim juve që marrëveshjet e më hershme si keni votu ju”, tha Kadrijaj.
Ndërsa Bislimi i është kundërpërgjigjur duke thënë “Sa herë po kthehemi te e kaluara, po thoni mos u merrni me të kaluarën”.
Sipas Bislimit, me atë që po thotë opozita, “sukseset në qeveri janë sukses i opozitës ndërsa dështimet janë rezultat i pozitës”.
Komisioni po vazhdon me pyetjet e deputetëve.
