E sa i përket kësaj, profesori universitar, Arben Fetoshi, tha se në këtë mënyrë politikanët kanë stërkequr misionin e rilindësve për bashkim kombëtar.
“Janë bërë të padurueshme retorikat politike në ditë festive e simbolike. Jam i bindur që politikanët si këndej apo si matanë Drinit, e kanë degraduar dhe e kanë stërkeq idenë, platformën dhe misionin e rilindësve për bashkim kombëtar. Nga fjalimet e mbajtura të Kurtit dhe Ramës nuk vërejta ndonjë mesazh eksplicit e nuk e pamë as gjatë seancës së përbashkët të kuvendeve. Tanimë kemi një realitet të ri gjeopolitik shqiptar, një realitet i cili paraqet lufta e Ukrainës dhe të gjitha pozicionimet e padrejta të Bashkimit Evropian në raport me Kosovën që nga viti 1999”, deklaroi Fetoshi në emisionin “Këndi i Debatit” në tëvë1.
Mirëpo, Fetoshi absurde konsideron faktin një liri fundamentale, e që është liria e lëvizjes.
“Jemi në një situatë ku kam përshtypjen që politikanët nuk e kanë guximin e duhur që të përgjigjen si duhet Bashkimit Evropian. Realisht nuk na duhen fjalë, sepse në fund të fundit politika matet me aksion dhe jo me retorika”, theksoi tutje ai.
Kujtojmë se mbledhja në sallën e seancave plenare të Kuvendit të Shqipërisë vazhdoi me fjalët përshëndetëse të kryetares së Kuvendit të Shqipërisë, Lindita Nikolla dhe kryetarit të Kuvendit të Kosovës, Glauk Konjufca, ndërsa fjalime mbajtën edhe ministra të të dy qeverive dhe drejtues të grupeve parlamentare nga të dy parlamentet./teve1.info./
