Sipas tyre, S.I 40 – vjeçar është arrestuar në momentin që ka tentuar ta kryej grabitjen në një market në qytetin e Gjilanit, raporton teve1.info
Policia ka bërë të ditur se i dyshuari nën kërcënimin e armës fillimisht kishte arritur që nga arka të grabiste një sasti të konsiderusheme të parave, por pastaj punëtorët e tjerë kanë ndërhyer dhe kanë arritur që ta ndalojnë të dyshuarin.
“I njëjti nën kërcënim të armës fillimisht kishte arritur që nga arka e shitjes punëtorit të marketit të ja grabiste një sasi të konsiderueshme të hollash, por punëtorët tjerë prezent kanë ndërhy dhe kanë arrit që ta ndalin të dyshuarin, gjersa shumë shpejtë njësitet të shumta patrulluese policore kanë arrit në vende të ngjarjes dhe e kanë arrestuar të dyshuarin”, thuhet në njoftim.
Në vend të ngjarjes është konfiskuar një armë zjarri e modelit “Browing Belgium’’me katër ( 4 ) cop fishek.
Ndërsa gjatë hetimeve policia ka njoftuar se janë gejtur edhe prova të tjera se i dyshuari besohet se është involvuar edhe në një rast tjetër në “Grabitje” që kishte ndodhur më 16 nëntor në një pikë karburanti në rrethinen e qytetit të Gjilanit.
Për rastin është njoftuar prokurori i shtetit i cili ka urdhëruar që ndaj të dyshuarit të caktohet masa e ndalimit për 48 orë, gjersa hetimet rreth rasteve të cekura më lartë po kryhen nga Policia e Kosovës, njësiti i hetimeve rajonale në Gjilan./teve1.info