Haradinaj për herë të parë ishte ftuar nga Gjykata e Hagës më 17 nëntor 2004. Edhe pse ishte liruar në aktgjykimin e parë, i ishte ftuar për herë të dytë në rigjykim.
Ish-komandanti i UÇK-së për zonën e Dukagjinit ishte kishte përfunduar këtë proces përfundimisht më 29 nëntor 2012.
Ai ka thënë se përvjetori i lirisë së tij është edhe vulë e pastërtisë së luftës çlirimtare.
“Të dashur qytetarë, sot për mua është një datë e rëndësishme, është përvjetori i lirisë sime, por edhe i vulosjes së pastërtisë së luftës sonë çlirimtare. Edhe pse çlirimtar, luftëtar për liri në tokën time, më 17 nëntor 2004 jam ftuar për herë të parë për intervistim nga Gjykata e Hagës. Që nga ajo ditë e deri më 29 nëntor 2012 ka zgjatur ndjekja ligjore ndaj meje. Edhe pse në aktgjykimin e parë jam liruar si i pafajshëm, pas disa viteve jam ftuar për herë të dytë në rigjykim. Përfundimisht, sot para 10 viteve, mora aktvendimin e pafajësisë. Lufta për pafajësinë time zgjati po aq sa zgjati lufta për liri. Falënderoj gjithë ata që nuk humbën besimin në mua dhe në pafajësinë time, e mu gjenden pranë në të gjitha mënyrat”, ka shkruar Haradinaj.
Përveç Haradinaj në Hagë ishte gjykuar edhe Fatmir Limaj, poashtu njëri nga komandantët e UÇK-së.
Ndërsa, që aktualisht po mbahen në paraburgim në Gjykatën Speciale edhe ish-krerët e UÇK-së, Hashim Thaçi, Kadri Veseli, Jakup Krasniqi e Rexhep Selimi./teve1.info/
