Përmes një komunikate, FKAK kanë deklaruar se janë të shqetësuar në lidhje me rastin, raporton teve1.info
Sipas tyre, ky rast ngre dyshime se Fazliu mund të ketë abuzuar edhe më fëmijë të tjerë.
“Jemi thellësisht të shqetësuar me atë çfarë ka ndodhur me të mituren ku shahet dhe ofendohet nga lokopedi Fazliu dhe stafi i tij. Gjuha, sjellja dhe abuzimi verbal ndaj vogëlushës na lë të dyshojmë se i njëjti lokoped mund të ketë abzuar edhe me fëmijë të tjerë të cilët prindërit apo kujdestarët ligjorë i kanë dërguar në mjekim te lokopedi Fazliu dhe të stafi i kësaj ordinance”, thuhet në komunikatë.
Tutje ata kanë kërkuar nga institucionet e shtetit që urgjent ta trajtojnë këtë rast dhe të hetojnë rrënjësisht se çfarë ka ndodhur me vajzën 5-vjeçare por edhe me pacientët të tjerë me aftësi të veçanta.
“Ne jemi shumë të brengosur për torturat psiqike dhe emocionale që i janë shkaktuar 5 vjeçarës nga lokopedi dhe pasojat që mund ta rëndojnë gjendjen e saj dhe të familjarëve, gjithashtu. Në të gjitha ligjet dhe vendimet juridike, mirëqënia e fëmijës është parësore, prandaj shteti është përgjegjës për mbrojtjen e fëmijëve nga abuzimet”, thuhet në njoftim.
Forumi Kosovar i Aftësisë së Kufizuar thotë se çdo fëmijë me aftësi të kufizuar ka të drejtën për kujdes shëndetësor dhe arsim të veçantë.
“Çdo fëmijë me aftësi të kufizuar ka të drejtën për kujdes shëndetësor dhe arsim të veçantë, duhet të ndihmohet për të qenë i pavarur dhe për të marrë pjesë aktive në shoqëri, por me këto abuzime ndaj fëmijëve tanë vetem sa po rritet diskriminimi dhe frika”, thuhet në komunikatë.
https://teve1.info/lajmet/shskuk-ka-kerkuar-nga-drejtori-i-orl-se-te-marre-masa-ndaj-logopedit-fazliu/
