Osmani tha se Adem Jashari ishte i vendosur, guximtar e luftarak, shkruan teve1.info
“I vendosur, guximtar e luftarak. Ky është komandanti legjendar i UÇK-së, Adem Jashari. Në shënimin e ditës së lindjes, u përulëm para varrit të tij dhe familjarëve, të cilët u bën fli për lirinë tonë”, ka shkruar Osmani.
Tutje Osmani theksoi se Adem Jashari një herë hyri në histori për të mbetur përherë dhe për t’u kujtuar veçanërisht më 28 nëntor, krahas Ditës së Flamurit dhe Pavarësisë së Shqipërisë. Një ditë dhe tri data historike.
“Adem Jashari është hero i dinjitetit tonë! Ai është i gjallë!”, shtoi ajo.
Bashkë me Osmanin ishte edhe ministri i Mbrojtjes, Armend Mehaj, të cilët u priten nga Rifat Jashari në Kullën e Jasharëve.
Ndryshe, Adem Jashari ka lindur më 28 nëntor të vitit 1955 në Prekaz të Skenderajt. Ishte djali i tretë i Shaban dhe Zahide Jasharit.
Me vendim të ish presidentit të Kosovës, Fatmir Sejdiu, Adem Jashari është nderuar me titullin Hero i Kosovës./teve1.info
