Begaj ka thënë se fryma dhe mesazhet vëllazërore të përcjella sot në Kuvend duhet të shtrihen në tëgjitha fushat e bashkëpunimit ndërshtetëror, shkruan teve1.info
“Fryma dhe mesazhet vëllazërore të përcjella në këtë Kuvend të përbashkët duhet të shtrihen në të gjitha fushat e bashkëpunimit ndërshtetëror. Vërtet jemi dy shtete, por mbi të gjitha jemi një Komb, një Komb i cili sot kremton i lirë Ditën e Flamurit dhe është Sovran dhe Zot i fateve të veta”, ka shkruar Begaj në Facebook.
Presidenti Begaj ka falënderuar deputetët e dy Kuvendeve, asaj të Shqipërisë dhe të Kosovës për kontributin që japin për forcimin e gjithanshëm të marrëdhënieve ndërshtetërore.
Ndryshe, në mbledhjen e dy kuvendeve, kryetari i grupit parlamentar Partia Socialiste e Shqipërisë, Taulant Balla ka propozuar që takimi i radhës i deputetëve të Kosovës dhe Shqipërisë, të mbahet më 10 qershor 2023 në Prizren, në 145 vjetorin e Lidhjes Shqiptare të Prizrenit./teve1.info
