Sipas konkursit të shpallur nga BQK-ja, emërimi i Guvernatorit do të jetë për një mandat pesëvjeçar, raporton “Betimi për Drejtësi”.
Në njoftim bëhet e ditur se, lista e kandidatëve që kualifikohen nga ana e Panelit do t’i dërgohet Kuvendit të Republikës së Kosovës i cili do të përzgjedhë një individ.
Ndërkaq thuhet se, miratimi dhe emërimi për këtë pozitë do të bëhet nga Presidenti/ja i/e Republikës së Kosovës në pajtim me nenin 84.27 të Kushtetutës së Republikës së Kosovës dhe nenin 38.2 të Ligjit të BQK-së.
Konkursi është shpallur bazuar në nenin 38 të Ligjit mbi Bankën Qendrore të Republikës së Kosovës.
Sipas konkursit, profili i kërkuar i kandidatit/es:
Të jetë me integritet dhe të ketë përgatitje universitare;
Të ketë minimum dhjetë (10) vite përvojë profesionale ose akademike në fushat e ekonomisë, financave, bankave, kontabilitetit apo çështje juridike;
Të ketë njohuri në zhvillimin dhe implementimin e politikave të rëndësishme të lidhura me misionin, objektivat dhe detyrat e BQK-së;
Të ketë përvojë dhe aftësi menaxheriale, etj.
