Duke e diskutuar këtë çështje, Demhasaj tha se Kurti për t’i ikur krijimit të Asociacionit e ka shpikur çështjen e targave.
“Qeveria jonë, kryeministri Kurti për t’i ikur temës së krijimit të Asociacionit në njëfarë mënyre mund të konsiderojmë që e ka shpikur çështjen e targave sepse mbi të gjitha çështja e targave është një çështje teknike pasi qe 22 vite ata kanë operuar me ato targa dhe nëse kemi pritur 22 vite kemi mundur të presim ndoshta edhe 10 muaj siç po kërkojnë partnerët ndërkombëtarë që nuk e konsideroj që ka qenë aq jetike që tash domosdosmërisht duhet t’i ndërrojmë targat sepse shkoj Kosova dëm nëse nuk ndryshohen targat tash”, tha ai.
Sipas Demhasaj, targat janë element për ta penguar themelimin e asociacionit ose presionin për themelim të asociacionit, e që sipas tij, kjo në mënyrë indirekte po e pengon edhe arritjen e marrëveshjes në mes Kosovës dhe Serbisë.
“Tash Presidenti i Serbisë, Aleksandër Vuçqi duke e kuptuar që Kryeministri Albin Kurti ka problem të merret me temën e Asocicacionit, ai po ngulë këmbë që ne nuk kem se çka ulemi këtu për marrëveshjen finale pikërisht për shkak se ai po kërkon të zbatohet marrëveshjet e Brukselit që flasin për Themelimin e Asociacionit”, tha Demhasaj./Teve1.info/
