Përmes një postimi në Facebook, Osmani ka njoftuar se me presidentin austriak kanë diskuar për partneritetin strategjik të dy shteteve si dhe për paqe dhe stabilitet të qëndrueshëm në Evropë, përcjellë teve1.info.
“Potencuam vendosmërinë e përbashkët për ta thelluar bashkëpunimin dhe koordinimin, duke kontribuar bashkërisht për paqe dhe stabilitet të qëndrueshëm në këtë kohë kritike për Evropën. Presidentin Van der Bellen e urova për rizgjedhjen e tij në krye të shtetit dhe shpreha vendosmërinë tonë të punojmë drejt hapjes së kapitujve të rinj të bashkëpunimit në mes të Kosovës dhe Austrisë”, ka shkruar ajo.
Presidentja Osmani gjithashtu ka shprehur mirënjohje ndaj Austrisë për përkrahjen e saj ndaj Kosovës drejtë rrugës euroatlantike.