Szunyog ka përmendur katër pika ku duhet të vihet përqendrimi në të ardhshëm, si atë për përformancën e Kuvendit, strategjinë për energjinë, sundimin e ligjit si dhe raportin e administratës publike, ku theksoi pagat për zyrtarët publik, raporton Teve1.info
“Për Kosovën është kjo gjëja e rëndësishme që për dallim nga viti 2021 e kemi një qeveri që ka shumicën në parlament, kështu që nuk ka arsye pse Kosova nuk duhet të bëjë përparim më të shpejt. Vlerësimi i përgjithshëm i raportit është që është raport më i mirë se ai i vitit të kaluar. Janë shumë kapitujt ku përparimi është më i mirë. Në fushat ku duhet të vihet përqendrimi në të ardhmen është: Performanca e Kuvendit, kemi pasur disa arsye objektive, zgjedhjet lokale ku kuvendi nuk po mblidhej dhe nuk po kryente punët, pastaj mungesa e miratimit të legjislacionit, mungesa e deputetëve që ishin jashtë vendit, për këtë arsye kemi pritur shumë më shumë përparim në fushën legjislative. Fusha e dytë, të gjithë kemi nevojë për përparim është energjia dhe mbrojtje të mjedisit. Kemi shpresuar që strategjia për energjinë të finalizohej dhe të zbatohej, kjo nuk ka ndodhur”, tha ai.
Po ashtu, ambasadori theksoi se raporti i administratës publike, qoftë për pagat e zyrtarëve publik duhet të përfundohet.
Sipas tij, për sundimin e ligjit duhet të përdorën më mirë instrumentet ekzistuese dhe të ketë rezultate më të mira dhe dënime për shumë raste.
“Sundimi i ligjit është një fushë ku ka përparim, por me gjasë na duhet më shumë për të zbatuar më mirë kornizën ligjore, të përdorën më mirë instrumentet ekzistuese. Të kemi rezultate më të mira dhe dënime për shumë raste të hapura që po vazhdojnë që një kohë të gjatë. Këtu kemi një marrëveshje të plotë me qeverinë se si të vazhdohet dhe presim rezultate të mira në muajt e ardhshëm. Në fund para nesh të gjithë kemi diskutime për raportin e administratës publike, qoftë për pagat e zyrtarëve publik dhe kjo është diçka që e kemi parë në shtator me mësimdhënësit që vlen për të gjithë dhe kjo duhet të përfundohet dhe duhet të kemi disa diskutime serioze se si të vazhdohet edhe në fushën legjislative”, deklaroi Szunyog. /Teve1.info/
