I ftuar në emisionin “Info Nata” në tëvë1, ai thotë se vendi ka ngecur politikisht në adresimin e kësaj problematike.
“Fatkeqësisht kemi humbur sot narrativën për bisedimet meqë nuk kemi gjetur ndoshta një rrugë te mesme, Kosova ka ngecur politikisht në adresimin e kësaj problematike dhe prandaj duket se gjithë problemi Kosovë-Serbi është te Asociacioni dhe konsideroj është nga pikat tona të dobëta”, tha ai.
Sipas tij, Shtetet e Bashkuara të Amerikës nuk janë duke kërkuar formimin e Asociacionit por nisjen e formimit të saj.
“Të jemi të qartë që bashkësia ndërkombëtare dhe SHBA nuk po kërkojnë formimin dhe nuk kanë kërkuar dhe arritjet më të mëdha të Qeverisë Kurti është se është ndërruar diskursi, kemi pasë themelim të Asociacionit në fillim sot flasim për nisjen e themelimit që dallimi është i madh. Sepse nisja nuk nënkupton në asnjë rrethanë përmbylljen e procesit dhe përmbylljen e tij. Ndërkaq nëse flasim për themelim dhe jetësim të tij flasim për një gjendje faktikte të re në terren. Sot pamë disa qarkullime të një dokumenti që madje nuk kërkohet themelimi i Asociacionit njëetnik dhe uroj të jetë kësisoj”, tha ai.
Po ashtu, Imeri thotë se Kosova mund ta shmang gradualisht këtë presion që po i bëhet për formimin e Asociacionit dhe atë ta drejtojë kah Serbia që kjo e fundit t’i respektojë marrëveshjet e nënshkruara.
“Por çështja është se kur dhe pastaj çështja sesa do të zgjasë, sesi do të përdoret politikisht deri në fund. Kjo nënkupton që Kosova mund ta shmang gradualisht si ta themi fokusin presionin dhe në këtë mënyrë Serbia duhet t’i zbatone të gjitha marrëveshjet tjera që kanë mbetur të parealizushme ngaqë e njëjta nuk dëshiron të ketë marrëveshje me Kosovën. Por konsideroj se nuk do të themelohet në asnjë rrethanë dhe aq më tepër nga qëndrimet e fundit se nuk do të mund të ketë Asociacion njëetnik”, shtoi ai./teve1.info/
