Kjo, siç thotë Tahiri-Beqa në emisonin “Këndi i Debatit”në tëvë1, duhej të ndodhte për shkak se situata politike nuk është në favorin e Kosovës.
“Me gjithë presionin ndërkombëtar është dashur të ketë një ndryshim të qëndrimit duke e ditur se situata tashmë nuk është në favorin e qetësinë edhe në aspektin territorial edhe politikave tona. Qëndrueshmëria në aspektin ligjor të Kurtit sigurisht mund të themi se nuk është qëndrueshmëri që siguron standard të respektimit të institucioneve tona”, tha ajo.
Sipas saj, deklarimet rreth datave janë ato që po krijojnë tensione dhe destabilitet në veri të vendit.
“Por prapë se çfarë po hezitoj dhe nga deklarata e Bislimit lë të nënkuptuara që këto datat po krijojnë një lloj situate presioni që pak a shumë tani po ka reagime të cilat po sjellin destabilitet. Ishte 31 korriku, u acaru situata në veri pastaj ishte 31 tetori prapë e njëjta situatë tash kemi fazën e qortimeve dhe kalojmë në fazën e dënimeve. Po e zëmë që do të zbatohet faza e dënimeve kemi parë deklaratat e serbëve që nuk do të paguajnë dënimet dhe çfarë do të ndodhë me ato dënime?”, tha ajo.
Madje, politologia vlerëson se diskutimi për targat e ka humbur seriozitetin për shkak se ka çështje më të rëndësishme për të diskutuar.
“Fatkeqësisht mendoj që vërtetë është një e drejtë legjitime por rënia e debatit, temat e diskutimit për targat kur kemi çështje më madhore kur duhet diskutuar e ka humbur atë seriozitetin për të cilin në fakt institucionet tona, Qeveria është dashur të mirret sesa çështja e targave”, shtoi ajo./teve1.info/
