Madje partitë politikë e kandidatët të cilët janë të interesuara të marrin pjesë, kanë kohë deri më 21 nëntor të certifikohen nga KQZ-ja.
Por këtij procesi nuk do t’i nënshtrohet Lista Serbe, e cila gjatë së martës njoftoi se nuk do të marrë pjesë në këto zgjedhje.
“Marrë parasysh vendimin e Prishtinës për mbajtjen e zgjedhjeve të jashtëzakonshme lokale në veri të Kosovës, duam të informojmë publikun se Lista Serbe nuk do të marrë pjesë në këto zgjedhje, e as qytetarët që e përkrahin partinë tonë, nga të cilët mbi 95% janë në këto zona”, thuhet në njoftimin e Listës Serbe.
Por edhe nëse do të këtë pjesëmarrje të ulët të qytetarëve që do të votojnë, sipas profesorit universitar njëherit edhe njohësit të kushtetutës Mazllum Baraliu, këto zgjedhje prapë do të jenë legjitime.
Ndërsa sipas njohësit të çështjeve politike, Tomor Avdiu, tensionimet që mund ta përcjellin ditën e zgjedhjeve, varen nga ndonjë marrëveshje ndërmjet Kosovës dhe Serbisë gjatë javëve në vazhdim.
Në mbledhjen që KQZ-ja mbajti gjatë së martës, u aprovua buxheti prej mbi 550 mijë euro për organizimin e procesit zgjedhor në këto komuna. Ashtu siç kërkohet me ligj, me këtë buxhet planifikohen të dy raundet e zgjedhjeve.
Kronika e gazetares Doresa Geci.
