Nga kjo përkrahje kanë përfituar nëntë të rinj e të reja për fillimin e bizneseve të tyre.
Jetmira Zeka, koordinatore e projekteve në “Islamic Relief Kosova”, ka sqaruar se fillimisht kanë aplikuar 100 persona, nga të cilët 28 janë trajnuar për 2 muaj rresht nga ekspertë të fushës,
e më pas janë përzgjedhur nëntë më të suksesshmit, të cilët edhe kanë përfituar grante.
Drejtori i Degës së “Islamic Relief” në Kosovë, Mohamed Soliman, tha se do të vazhdojnë të përkrahin të rinjtë në hapjen e bizneseve të reja.
“Jam shumë i lumtur që po shpërndajmë këto grante në kuadër të programit për edukim dhe ndërmarrësi në përkrahje të të rinjve për hapjen e bizneseve të reja”, tha ai.
Albulena Gashi-Hajrullahu, menaxhere e programeve për Kosovë dhe Shqipëri, tha se është shumë e rëndësishme që të rinjtë përfitues të vazhdojnë me zhvillimin e bizneseve të tyre.
“Sot po celebrojmë eventin për shpërndarjen e granteve. Për ne është me rëndësi që secili prej jush me vazhduar idetë e juaja”,tha ajo.
Të rinjtë janë trajnuar nga profesoresha e UP-së në Fakultetin Ekonomik, Vjosa Fejza-Ademi.
Organizata është prezentë në rreth 45 vende të botës, e po ashtu operon me zyrën e saj edhe në Kosovë që nga viti 1999, duke qenë një nga organizatat e para të cilat depërtuan për ta ndihmuar, rindërtuar dhe zhvilluar vendin.
Në Kosovë, Islamic Relief ka implementuar projekte të natyrave emergjente, shëndetësore, edukative, infrastrukturore, etj., duke u përqendruar më shumë në ndihmesën e familjeve skamnore, atyre me jetimë, familjeve nën asistencë sociale si dhe familjeve me fermerë për të zhvilluar mirëqenien ekonomike.
