Ujkanit në emisionin “Ditari”, në Tëvë1 tha se situata e krijuar në veri me largimet e serbëve nga institucionet nuk ka ndodhë si pasojë e vendimit për targat pasi që sipas saj ky vendim ka qenë i ditur edhe më parë.
“Vendimi i Qeverisë Kurti nuk është një befasi për ta dhe nuk ka ndodhë aty për aty, vendimi për targat ka qenë edhe më herët ku e kemi respektuar edhe thirrjen e shteteve të Kuintit dhe Shteteve të Bashkuara të Amerikës, e kemi respektuar vendimi dhe e kemi shtyrë për një kohë të caktuar dhe ka qenë e qartë dhe e ditur se ky vendim do të fillojë së zbatuari në datën të cilën e kemi bërë të ditur”, tha ajo.
Sipas Ujkani vendimi për targat është vetëm një alibi të cilën serbët e kanë përdorur për të dalë nga situata e keqe pasi që thekson se ata e kanë parë se e kanë humbur luftën me Kosovën dhe prandaj mundohen që ta pengojnë procesin për arritjen e marrëveshjes finale.
“Kjo është një alibi i cila nxirret nga këto veprime që të dalë nga situata e keqe në të cilën është Serbia sepse e ka parë që ka humbur luftën dhe betejën me Kosovën dhe që mundohet që të mënyrë të vazhdueshme ta prolongojë procesin dhe të hedhë pengesa gjatë rrugën që të shkojnë në disfavor të Kosovës, por këtu është e qartë se Serbia asnjëherë nuk ka qenë në një situatë më të keqe politikisht të saj sesa që është tash dhe që Kosova tashmë është në epërsi ndaj Serbisë”, tha Ujkani.
Tutje deputetja e Vetëvendosjes tha se pasi që është afruar arritja e marrëveshjes finale, Serbia po i kundërshton të gjitha planet që po i serohen nga emisarët e huaj.
“Serbia me politikat e saja propaganduese dhe me qasjen e saj të gabueshme që nga fillimi i procesit të dialogut, është e qartë që ajo tashmë mundohet që refuzimin dhe rreshtimin përkrah aleatëve të perëndimorë që ka dalë kundër dhe është rreshtuar me Rusinë në të njëjtën kohë dhe i kundërshton të gjitha planet të cila i servohen nga emisarët francezë dhe gjerman, kjo i bie që donë të ju hedhë hi syve temave të rëndësishme”, shtoi Ujkani./Teve1.info/
