Osmani pas takimit me përfaqësues të partive politike, tha se i falënderon partitë politike për kontributin e tyre, derisa tha se do të bëjë çmos që siguria e qytetarëve të jetë primare dhe të mbrohen të drejtat e tyre të garantuara me Kushtetutën e Kosovës.
“Partitë pjesëmarrëse në takim i falënderoj për kontributin e tyre. Janë diskutuar edhe shqetësime tjera që ekzistojnë dhe si presidente do të bëjë çmos me institucionet e vendit që siguria e qytetarëve të jetë primare dhe mbrohen të drejtat e tyre të garantuara me Kushtetutë, përfshirë të drejtën në votë”, tha Osmani.
Osmani shtoi se pas konsultimit me institucionet e nevojshme, del me vendim.
“Sot ose nesër në mëngjes e shpallim vendimin”, tha ajo.
Ndërsa Osmani shtoi se i siguron të gjithë qytetarët që shpallja e zgjedhjeve është detyrim kushtetues që ka lind nga akti kushtetues i dorëheqjes së 4 kryetarëve të komunave.
Në takimin e presidentes për caktimin e datës së zgjedhjeve, nuk mori pjesë AAK-ja dhe Lista Serbe.
AAK u deklarua para takimit se nuk merr pjesë derisa nuk do të ketë një reflektim për kërkesat e tyre prej 4 pikash që kanë të bëjnë me situatën e në veri të Kosovës.
