Lajmin për teve1.info e ka konfirmuar zëdhënësi i Policisë së Kosovës, Baki Kelani.
Ai bëri të ditur se lidhur me këtë janë ndërmarrë veprimet e nevojshme policore për hetim dhe procedim të mëtejmë.
“Me datë 13.11.2022 gjatë natës, në zonën e drejtorisë rajonale të Mitrovicës Veri, janë hasur disa grafite me mbishkrime të ndryshme në gjuhen serbe. Policia e Kosovës, me njësitet e saj ka ndërmarr veprimet e nevojshme policore, për hetim dhe procedim të mëtejmë, lidhur me grafitet e shkruara në disa mure dhe rrugë”, thuhet në përgjigje.
Ndryshe, në rrugë dhe objekte të ndryshme në Mitrovicën e Veriut, të dielën, janë shfaqur grafite në gjuhën serbe, nëpërmjet të cilave bëhet thirrje për rezistencë nga 21 nëntori, datë kur Qeveria e Kosovës ka paraparë që të nisë gjobitjen e pronarëve të automjeteve me targat ilegale.
“Që nga 21 nëntori është detyrë e të gjithëve të rezistojnë në çdo hap! Brigada Veri”, thuhet në këto grafite./teve1.info/