Konjuca këto deklarime i bëri gjatë ceremonisë së certifikimit të 311 rekrutëve të rinj të FSK-së, derisa tha se nuk mund të ketë paqe në botë pa hequr dorë Rusia nga Ukraina dhe pa hequr dorë Serbia nga Kosova.
“Ne nuk jemi shtet që kemi pretendime territoriale, ne jemi republikë demokratike, por ndihemi të kërcënuar nga pretendimet e Serbisë mbi shtetin tonë. Paqja në botës sot po rrezikohet seriozit nga agresioni i Rusisë mbi Ukrainën, ne jemi rreshtu krah Ukrainës dhe luftës së saj të drejt kundër agresionit rus. Nuk mund të ketë paqe në botë pa hequr dorë Rusia nga Ukraina dhe pa hequr dorë Serbia nga Kosova”, tha Konjufca
Kryeparlamentari tha se orientimi i Kosovës është i qartë qëdëshiron të jetë pjesë e aleancë ushtarake të veriut e cila i përfshinë shtetet demokratike.
“23 vite më parë ishte pikërisht NATO-ja e cila me bombardimet e saj e ndali gjenocidin e Serbisë mbi popullin tonë”, tha Konjufca.
Konjufca i uroi rekrutët e rinj të FSK-së, derisa tha se për të lindur shteti i Kosovës u desh shumë mund, sakrificë e përpjekje.
“Kjo përpjekje kulmoi me luftën e drejtë të UÇK-së për mbrojtjen e vendit tonë, çlirimin e atdheut dhe largimin e okupatorit serb. Liria jonë është e shenjt dhe i ka rrënjët në këtë luftë të shenjt”, tha Konjufca.
Ai tha se shteti i Kosovës është i barabartë për të gjithë, pa dallim etnie, gjinie dhe përkatësive tjera.