Përmes njoftimit, Komuna ka bërë të ditur se testimi i alarmit do të fillojë nga ora 12:05 me tingull të njëtrajtshëm dy herë nga 30 sekonda.
“Të nderuar qytetarë, këtë të shtunë, më 5 mars, në orën 12:05 Komuna e Prishtinës do të bëjë testimin e radhës së Sistemit të Alarmit Publik me tingull të njëtrajtshëm dy herë nga 30 sekonda”, thuhet në njoftimin e Komunës.
Ndryshe, në Prishtinë është i instaluar sistemi i alarmit të sigurisë. Altoparlantet e këtij sistemi janë të vendosura në 16 pika të kryeqytetit dhe lëshojnë tingujt e emergjencave.
Nga Komuna e Prishtinës kanë sqaruar për Tëvë1 se ekzistojnë katër lloje alarmesh: rrezik nga ajri, rrezik nga mjetet kimike e biollogjike, rrezik nga fatkeqësitë natyrore dhe rrezik nga zjarri./teve1.info/
