Në një konferencë për media, Abdixhiku theksoi se për pjesën më të madhe të takimit, nuk kuptuan diçka të re se sa deklarimet publike që i ka pasur Kurti, përcjell teve1.info
“Dhe nuk pamë ndonjë plan konkret për zgjidhjen e çështjes së re të krijuar në vakumin institucional gjyqësor në veri të vendit. Siç dhe nuk pamë ndonjë lëvizje ose gatishmëri për koordinim të plotë me aleatët tanë ndërkombëtar. Pra për LDK, ne besojmë se koordinimi i ngushtë me Departamentin Amerikan të Shtetit, me institucionet e sigurisë amerikane, me aleatët tanë në Washington e në Bruksel, është zgjidhje e vetme adekuate në situatën e tanishme që është Kosova”, tha ai.
Abdixhiku shtoi se Kosova nuk duhet të bie pre e kurtheve për destabilizim të vendit nga faktor që burojnë në Beograd.
Ai po ashtu potencoi se po kërkojnë që të mos bëhet zgjedhje mes ligjshmërisë dhe aleatëve, sepse siç tha ai, në këso raste Kosova do dalë gjithmonë e humbur.
“Këtë po kërkojmë, mos të kemi zgjedhje mes ligjshmërisë dhe aleatëve. Sepse atëherë kemi bërë gabim. Sa herë që zgjedhim mes ligjshmërisë dhe aleatëve, Kosova gjithmonë do të dal e humbur. Unë uroj që ky koordinim të ndodh, do të bëjmë kërkesë të vazhdueshme që një gjë e tillë të ndodh dhe do të bëjmë vazhdimisht përpjekjen tonë që betejën tonë të Kosovës përballë Serbisë, mos ta shndërrojmë në çështje politike të brendshme të Kosovës, sepse s’është e tillë”, shtoi ai. /Teve1.info/
