Zëdhënësi i Partisë Demokratike të Kosovës, Faton Abdullahu ka treguar për teve1.info se kreu i kësaj partie, Memli Krasniqi do të marrë pjesë në takim.
“Kemi pranuar një kërkesë për takim nga kryeministri dhe kryetari i PDK-së Memli Krasniqi tashmë e ka konfirmuar pjesëmarrjen në takim”, tha ai.
Po ashtu, pjesëmarrjen e ka konfirmuar edhe kreu i Aleancës për Ardhmërinë e Kosovës, Ramush Haradinaj, ka njoftuar zëdhënësi i këtij subjekti, Lulëzim Blaka.
“Në adresë të kryetarit Haradinaj ka ardhur një ftesë për takim nga Kryeministri Kurti, për të martën në mëngjes. Kryetari i AAK-së Ramush Haradinaj ka pranuar njê ftesë për takim nga kryeministri Albin Kurti, për të martën”, ka thënë Blaka për teve1.info.
Mediumi ka kontaktuar edhe Lidhjen Demokratike të Kosovës lidhur me pjesëmarrjen apo jo të kreut, Lumir Abdixhiku në këtë takim – por që nuk ka pasur përgjigje./teve1.info
