Për medaljet e fituara ka kujdes të veçantë. Sidomos për këtë të fundit.
Para pak javësh, në Orlando të Shteteve të Bashkuara të Amerikës, në Olimpiadën Shkencore, 9-vjeçari kosovar, Nil Kelmendi, u rendit i pari në matematikë dhe i treti në shkencë.
“Matematika është gjithçka, pa matematikë nuk e kishim pas shkencën, matematika është shumë interesante. Disa detyra është më lehtë me i zgjidh disa të vyn logjika. Unë shtyhna për shembull për më gjet rezultatin. Testi është kon i zorshëm, jon kon do detyra që si kom kuptu i kom lexu disa herë pastaj i kom kuptu edhe si e kom lexu udhëzuesin i kom ditë por ka pas edhe të lehta edhe të zorshme”, thotë Nili.
Përveç dashurisë për numrat, Nili tashmë ka edhe ëndrra të mëdha për të ardhmen.
“Mu më pëlqen me u bo matematikan, ose inxhinier ose më pëlqen me punu për NASA-n, sepse po du me gjet ne hapësirë çka ka mos ka ndonjkë planet sikur Toka. Kur kom qenë i vogël 2-3 vjeç babi m’ka tregu emisione për matematikë edhe unë i këqyrsha qato emisione edhe babi e ka vrejt që unë kom talent në matematikë tabelën e shumëzimit e kom msu kur i kom pas 4 vjet”, tha 9-vjeçari.
Rrugëtimi drejt suksesit ka qenë emocional edhe për familjen.
“Ka qenë shumë emocionuese, nuk ka përshkrim, kur e sheh fëmiun që ka arrit rezultatin e kur ai fëmijë është i yti emocioni është shumë më i madh, por është diçka që e ka nis herët në 2024 e ka nis këtë rrugëtim të olimpiadave ka pas besim në vetvete ka ushtru edhe e ka arrit rezultatin”, tregoi prindi Bujar Kelmendi.
Suksesi i Nil Kelmendit po shihet si shembull frymëzues për nxënësit e tjerë, duke dëshmuar se talenti, puna dhe mbështetja e duhur mund të sjellin rezultate të mëdha.
Kronikë e realizuar nga gazetarja, Jona Kelmendi.
