Deputeti i Lëvizjes Vetëvendosje, Mefail Bajqinovci, për arritjen e Marrëveshjes së dakorduar mes kryeministrit të Kosovës, Albin Kurti dhe presidentit të Serbisë, Aleksandër Vuçiq, thotë që e shkrinë fusnotën si dhe e zhbën Zajednicën e vitit 2013 dhe 2015 në vetëmenaxhim kushtetues.
Sipas Bajqinovcit, Marrëveshja që është arritur dje në Ohër të Maqedonisë së Veriut e ngrit në çështje urgjente temën e të zhdukurve, raporton teve1.info.
“I hap rrugë Kosovës për njohjet e reja dhe anëtarësim në organizata ndërkombëtare. Siguron njohjen e pasaportave dhe simboleve”, ka shkruar deputeti në Facebook.
Mes tjerash, ai ka thënë se kjo Marrëveshje nuk ia plotëson dëshirën opozitës dhe opozitarëve.
Dje, gjatë takimit në Ohër të Maqedonisë së Veriut, kryeministri Kurti dhe presidenti serb, Vuçiq me ndërmjetësuesit e BE-së, kanë arritur të pajtohen që të fillojnë zbatimin e Marrëveshjes për normalizimin e raporteve sa më shpejt që është e mundur. Kjo Marrëveshje ka përfunduar pa nënshkrim zyrtar nga të dyja palët.
