Për shtatë muaj të këtij viti, Policia e Kosovës ka konfiskuar 636 armë dhe 9531 municione. Këto shifra po vlerësohen si shqetësuese, duke llogaritur se përmes tyre kryhen edhe krime në vend.
Policia ka konfiskuar afro 10 mijë municione për shtatë muaj të vitit 2023.
Përgjatë viteve, numër i madh i armëve dhe municioneve pa leje, konfiskohen nga organet e rendit.
Vetëm për shtatë muaj të këtij viti, Policia e Kosovës ka konfiskuar 636 armë dhe 9531 municione.
“Policia gjatë realizimit të detyrave të saja hetimore dhe operative hasë edhe në raste kur qytetarët mbajnë në pronësi armë pa leje, armët e tilla konfiskohen dhe pastaj vazhdohet me procedura nga organet e drejtësisë”, thuhet në një përgjigje të Policisë së Kosovës.
Armëmbajtja pa leje konsiderohet vepër penale.
Sipas avokatit Arbër Jashari, pasojat ligjore për personat që posedojnë armë pa leje, variojnë nga gjobitjet deri në burgim.
“Me qarkullimin e armëve pa leje, njohësi i sigurisë, Nuredin Ibishi, konsideron se kryhen edhe një numër i krimeve në vend”, ka thënë Jashari.
Vitin e kaluar, Policia e Kosovës ka konfiskuar 1473 armë pa leje, dhe 29903 municione.
Raporti: Florijeta Dernjani
