Krimet Ekonomike të Policisë së Kosovës kanë arrestuar një person të dyshuar për ‘legalizim të përmbajtjes së rreme’.
I njëjti dyshohet se më 21 korrik kishte paraqitur dokumente të falsifikuara në Administratën Tatimore të Kosovës, me qëllim që një biznesit me vlerë milionëshe t’ia bartte pronësinë në emër të tij.
“I dyshuari, më 21.07.2023, ka prezantuar dokumente të falsifikuara siç janë: një autorizim, një vendim për ndryshim të statutit të biznesit dhe një kontratë për falje të aksioneve, pranë ARBK-së, me të cilat ka lajthitur zyrtaret kompetent dhe ka bërë ndryshimin e pronësisë së biznesit dhe të njëjtën e ka bartur në emër të tij”, thuhet në njoftimin e PK-së.
Pas përfundimit të intervistës është kontaktuar prokurori i lëndës dhe me aktvendim mbi ndalimin, i dyshuari është dërguar ne mbajtje për 48 orë.
Teksa për të njëjtin rast më 2 gusht ishte arrestuar edhe një person tjetër.
“Më 02.08.2023, në komunikatën nr.223/2023, është njoftuar për arrestimin e një personi me nistoret: M.A., (viti i lindjes 1965, mashkull kosovar) dhe ndaj të cilit ishte iniciuar rasti penal: ‘falsifikim i dokumenteve’, ku në mënyrë të dyshimtë ishte bartur pronësia dhe aksionet e kompanisë te një person tjetër. Vlera e kompanisë vlerësohet të jetë milionëshe”, thuhet në njoftimin e policisë.