52 qytetarë janë konfirmuar të infektuar me Covid 19, nga 1.442 testime të kryera gjatë 24 orëve të fundit në Shqipëri.
26 raste me koronavirus kanë rezultuar në Tiranë, 5 në Vlorë, 4 në Fier, 3 në Kamëz, nga 2 qytetarë në Durrës, Lushnje, Elbasan, nga 1 qytetar në Gramsh, Kolonjë, Tepelenë, Përmet, Gjirokastër, Konispol, Delvinë, Roskovec, Kurbin, Shkodër.
Sipas të dhënave nga Ministria e Shëndetësisë, janë 426 pacientë aktivë me Covid 19 në të gjithë vendin.
Aktualisht në spitalin COVID-3 po marrin trajtim 9 pacientë, ndërsa në 24 orët e fundit nuk ka asnjë humbje jete me Sars-Cov2.
Janë shëruar 17 qytetarë gjatë 24 orëve të fundit, duke e çuar numrin e të shëruarve në 270,869 që nga fillimi i epidemisë. /TCH
