Kryetari i Lidhjes Demokratike të Kosovës, Lumir Abdixhiku ka votuar sot.
Abdixhiku pas votimit, në një prononcim para mediave ka thënë se zgjedhjet në Kosovë janë dhe kanë qenë gjithmonë festë.
Sipas tij, sot është dita ku vendimmarrja kthehet tek qytetarët e Kosovës për katër vitet e ardhshme.
“Zgjedhjet në Kosovë gjithmonë kanë qenë, janë dhe do të mbesin festë, festë e madhe e demokracisë , janë ditë ku vendimmarrja kthehet tek qytetarët e Kosovës për katër vitet e ardhshme për lagjet e tyre, për qytetet e tyre, fshatrat e tyre, komunat e tyre”, ka thënë ai.
“Le të urojmë, le të punojmë e le të shpresojmë se Kosova sërish do tëjetë shembull i organizimit të zgjedhjeve dhe demokracisë e vulltetit të lirë të qytetarëve të Kosovës”, shtoi ai.
Kreu i LDK-së ka qenë i shoqëruar së bashku me bashkëshorten e tij.
