Ministri i Punëve të Jashtme të Latvisë, Krišjānis Kariņš, ka thënë se nuk ka konsensus për anëtarësimin e Kosovës në Këshillin e Evropës.
Ai ka thënë se shteti i tij e përkrahë anëtarësimin e Kosovës Këshillin e Evropës.
Kariņš, në Sesionin e Asamblesë Parlamentare të Këshillit të Evropës, është pyetur nga deputeti i Kosovës, Besnik Tahiri, se kur ky institucion do ta dënojë sulmit terrorist më 24 shtator 2023 në veri të vendit dhe se a përkrahin një hetim ndërkombëtar.
Sipas përgjigjes të cilën e ka publikuar Tahiri, Kariņš, ka thënë se edhe për këtë nuk ka konsensus nga ministrat e Këshillit të Evropës.
“Në lidhje me sulmet terroriste, të 24 shtatorit 2023, realiteti është që në tavolinën e ministrave të Këshillit të Evropës nuk ka konsensus. Po ashtu akoma nuk ka konsensus në lidhje me anëtarësimin e Kosovës në Këshillin e Evropës. Çështja e kësaj Asambleje është opinioni duhet t’i paraqitet Këshillit, meqë ne në Këshill të Ministrave, në lidhje me shumë çështje, përfshirë edhe këtë, operojmë mbi baza konsensuale”, ka thënë ai në përgjigjen ndaj Tahirit.
Ai personalisht është shprehur se përkrah hetimet.
“Do të theksoja që pikëpamja ime si ministër i Punëve të Jashtme të Latvisë, është që natyrisht të ndërmerret hetimi, dhe nëse del të jetë e vërtetë që ka pasur përfshirje nga jashtë, si sulm i organizuar nga një shtet, apo vet shteti, kjo e bënë edhe më shqetësuese. Vendi im e ka njohur pavarësinë e Kosovës, ne e përkrahim anëtarësimin e Kosovës në Këshillin e Evropës, në Bashkimin Evropian, si demokraci, por 34 nga ne në këtë Këshill duhet gjithashtu të kemi përshtypje të ngjashme, si dhe 12 që nuk janë këtu. Pra është një proces, dhe si ministër i Punëve të Jashtme të Latvisë, do të vazhdoj në këtë proces, përderisa në presidencën e Këshillit të Evropës, do të vazhdoj të punoj në këtë drejtim”, ka thënë ai./teve1.info/