Ai gjatë vizitës së punimeve në rehabilitimin e hekurdhuave tha se projekti nga Fushë Kosova në Mitrovicë është në fazën përfundimtare.
“Jemi në Miradi, pranë hekurudhës që lidh Hanin e Elezit që është pjesa e parë e projektit që lidh Hanin e Elezit me Leshakun. Kemi ardhur të vizitojmë punishten, për këtë projekt që është i rëndësishëm që ka të bëjë me rehabilitimin e linjave hekurudhore. Ky projekt është në fazën e përfundimit nga Fushë Kosova në Mitrovicë. Këto projekte janë të rëndësishme edhe për qarkullimin e brendshëm. Zhvillimi i portit të Durrësit, do ta shndërroj këtë transport në mallra. Në të gjitha anët Kosova do të jetë e kyçur me regjionin dhe lëvizjen e lirë të mallrave e udhëtareve”, tha Aliu, raporton Ekonomia Online.
Kurse, përfaqësuesi nga BE-ja, i cili është drejtor i komunitetit të transportit Matia Zakonqek, tha se prioritet i BE-së është modernizmi i transportit në rajon
“Prioritet thelbësor i BE-së, është që të modernizohet transporti në rajon. Ekziston vetëm një përmes Serbisë. Transportin hekurudhor në Ballkan mund ta bëjmë modern dhe konkurrues. Kemi projekte sot që po zhvillohen dhe na duhet reforma të politikës, standardeve evropiane, si organizohet transporti hekurudhor. Aktualisht transporti do të jetë transport i së ardhmes që do t’i shërbejë qytetarëve i cili do të bëhet realitet”, tha ai.
