Përfaqësuesi i Lartë i BE-së për Politikë të Jashtme, Josep Borrell, ka thënë se po tentojnë të gjejnë një zgjidhje brenda dialogut.
Ai ka thënë se ka gjasa të dalë nga Samiti i BE-së dhe të takohet sërish me kryeministrin e Kosovës, Albin Kurti e presidentin e Serbisë, Aleksandar Vuçiq.
“Puna po vazhdon. Ndoshta duhet të largohemi nga mbledhja e Këshillit e të ulemi sërish me liderët e Kosovës e Serbisë, të shohim nëse mund të gjejmë një zgjidhje brenda dialogut. Nuk ka zgjidhje tjetër. Rruga evropiane e Kosovës e Serbisë shkon nëpërmjet këtij dialogu”, ka thënë Borrell për media.
Kryeministri i Kosovës, Albin Kurti, pas takimit që ka zhvilluar me udhëheqësit evropianë, në margjina të një samiti të BE-së në Bruksel, është kthyer përseri në hotelin ku janë zhvilluar takimet dhe sipas raportimeve nga atje, ai ka nisur takimin me të dërguarin e BE-së, Miroslav Lajçak.
Meloni: Kërkuam nga Kurti dhe Vuçiq t’i zbatojnë marrëveshjet
