Kryeministri i Kosovës, Albin Kurti, dhe presidenti i Serbisë, Aleksandër Vuçiq, përfunduan takimet e parapara me udhëheqësit evropianë, në margjina të një samiti të BE-së në Bruksel.
Lidhur me këto takime nuk ka ende informacione se si po rrjedhin diskutimet.
Kurti dhe Vuçiq janë pritur ndaras nga kancelari gjerman, Olaf Scholz, presidenti francez, Emmanuel Macron, kryeministrja italiane, Giorgia Meloni, si dhe përfaqësues të lartë të BE-së.
Kjo e fundit tha se Kurti dhe Vuçiq iu është kërkuar të bëjnë hapa përpara “në zbatimin e dokumenteve për të cilat kanë rënë dakord në muajt dhe vitet e fundit”.
Në një adresim për media, Meloni u shpreh se shpreson që të ketë hapa përpara.
“Do të shohim se si do të shkojë dita dhe shpresojmë të bëjmë ndonjë hap përpara”, tha kryeministrja italiane.
