Gjatë ditës së sotme në Kosovë janë regjistruar 49 vatra zjarri, shtatë prej të cilave vazhdojnë të jenë aktive, ndërsa 42 janë lokalizuar.
Kështu raporton QOER112, sipas të dhënave të pranuara nga Agjencia e Menaxhimit të Emergjencave.
Ndërhyrja e shpejtë e Njësive të Zjarrfikjes dhe Shpëtimit ka mundësuar vendosjen nën kontroll të shumicës së zjarreve.
Agjencia apelon te qytetarët që të shmangin çdo veprim që mund të shkaktojë zjarr, të denoncojnë pranë organeve ligjzbatuese çdo rast të zjarrvënies së qëllimshme dhe të raportojnë rastet emergjente në numrat 112, 193 dhe 192.
