Një rrahje në mes të dy grupeve, ku kanë qenë të përfshirë 15 persona, ka ndodhur në ora 01:00 pas mesnate në rrugën “Ekrem Rexha” në Prizren.
Nga kjo rrahje disa persona kanë marrë lëndime, e njëri nga ta është plagosur nga arma e zjarrit, ka njoftuar policia në Prizren. Përveç armës së zjarrit janë përdorur edhe mjetet e mprehta e boksat e metalit.
Policia ka ndaluar 9 persona lidhur me këtë rast.
“Një armë zjarri dhe mjetet tjera të përdorura në rast janë sekuestruar. Rasti është cilësuar si ‘Vrasje në tentativë.’ 9 të dyshuar janë ndalë në ndalim policor për 48 orë”, ka thënë për teve1.info Shaqir Bytyqi, zëdhënës i policisë për rajonin e Prizrenit.