Shabani – Rama në emisionin “Herët” në rubrikën “Këshilla Juridike”, tha se këtë çështje janë duke e adresuar që ligji t’ia jep të drejtën Gjykatës Themelore në Prishtinë, që nëse nuk vendos organi administrativ, atëherë kjo Gjykatë ta ketë mundësinë të vendos e të mos kthejë çështjen në rivendosje.
“Prej anës së Gjykatës sa i përket asaj se çfarë ne mund të bëjmë për të rritur efikasitetin, jemi duke punuar qoftë me unifikim të praktikave, qoftë me thjeshtësim të procedurave sepse ligji e mundëson që edhe njëherë lënda të kthehet në rivendosjen në organin kompetent dhe kjo është ajo që po i zvarrit shumë procedurat. Është fenomen që ndoshta nuk ndodh në shtetet e tjera që kryesisht te skemat pensionale dhe kategoritë e ndryshme, edhe pse Gjykata i kthen në rivendosje prapë se prapë vendos organi kompetent vendos njëjtë. Është një punë e dyfishtë për Gjykatën”.
“…Jemi duke u munduar ta adresojmë në ligj këtë çështje që ligji t’ia jep të drejtën Gjykatës që nëse nuk vendos organi administrativ atëherë gjykata ta ketë mundësinë të hyjë në çështje meritore dhe mos ta kthej edhe njëherë çështje në rivendosje”, ka deklaruar Shabani – Rama. /teve1.info/
