Asnjë qytetarë nga Kosova nuk është në mesin e të lënduarve apo të vrarëve nga sulmi i armatosur në Fakultetin e Arteve të Universitetit të Karlit, në Pragë të Republikës Çeke.
Këtë e ka bërë të ditur për teve1.info, ambasadorja e Kosovës në Çeki, Albesjana Iberhysaj.
“Për fat të mire, sipas të dhënave të deritanishme zyrtare nuk ka qytetarë të Kosovës në mesin e viktimave dhe të lënduarve”, ka thënë ajo.
14 persona u vranë dhe 24 janë plagosur rëndë, ku një 24-vjeçar kreu një sulmë me armë zjarri në Fakultetin e Arteve.
Edhe sulmuesi është gjetur i vdekur. Policia ka deklaruar se sulmuesi është inspiruar nga masakra të ngjashme që kanë ndodhur jashtë vendit. Policia ka thënë se sulmuesi ishte një 24-vjeçar nga një fshat 21 kilometra nga Praga. Edhe babai i sulmuesit është gjetur i vdekur më herët sot.
Ky sulm nga Policia nuk është lidhur me terrorizëm ndërkombëtar.