Mëngjesi i së martës nuk ishte i zakonshëm në shkollën fillore “Zenel Hajdini” në Gadime të Lipjanit.
Pasi drejtori i kësaj shkolle, Skender Ademi dyshohet se u rrahë nga dy burra brenda perimetrit të objektit arsimor.
Por i njëjti nuk e pranoi këtë, madje ai nuk foli as për dyshimet që u ngritën për këtë çështje përkundër interesimit të televizionit.
Por gjithë ngjarjen e kanë parë nxënësit e shkollës së mesme “Ulpiana”, objekt ky që është në të njëjtin oborr me shkollën “Zenel Hajdini”.
Ata prapa kamerës konfirmuan se drejtori i kësaj shkolle dje është rrahur nga dy persona.
E afër vendit, ku ndodhi e gjithë ngjarja ishte punëtori teknik i çerdhes, e cila po ashtu gjendet shumë afër vendit ku u zhvillua rast.
“Kam dalë këtu te dera i kam shiku tu bisedu, drejtori ju tha hajdeni të shkojmë në zyre të bisedojmë por ata nuk pritën edhe e kapën me rre drejtorin. Në atë moment kam shku shpejt, kam ndërhy. Sa e kapsha njërin tjetri shkojke prap, nuk mujsha i vetëm m’i nda. Për drejtorin më ka ardhur një keqardhje shumë që e kanë rrahur, që ka marrë disa grushte”, ka thënë Fahri Mahmuti, punëtor teknik në çerdhe
Megjithatë, sipas Policisë së Kosovës në gjithë këtë ngjarje nuk raportohet për të lënduar.
“Janë arrestuar dy të dyshuar meshkuj kosovarë, pasi që të njëjtit kanë sulmuar fizikisht viktimën mashkull kosovar. Nuk raportohet për të lënduar, ndërsa të dyshuarit me vendim të prokurorit janë dërguar në mbajtje”
Arrestimin e dy të dyshuarve e ka konfirmuar për televizionin edhe Prokuroria Themelore në Prishtinë.
“Ju njoftojmë se Prokurori i Shtetit ka lëshuar aktvendim mbi ndalimin e dy personave, të dyshuar se kanë kryer veprën penale “Sulmi ndaj personit zyrtar”. Ndaj kësaj çështjeje janë duke u ndërmarrë veprime hetimore”, thuhet nga Prokuroria.
E gjithë ngjarja ka ndodhur rreth orës 8 të mëngjesit të ditës së martë.
Burimet e Tëvë1 kanë bërë me dije që e gjithë ngjarje ndodhi pasi ditën e premte drejtori i shkollës dyshohet që rrahu nxënësin, të afërmin e dy të ndalurave nga Policia e Kosovës.
