Skender Sadiku, zv.kryesueses i Kuvendit Komunal në veri të Mitrovicës , ka komentuar protestën e thirrur sot përmes rrjeteve sociale, ku dhjetëra qytetarë u mblodhën para Urës së Ibrit në jug të Mitrovicës.
Ai tha se kjo protestë nuk dihet se nga kush u organizua dhe qëllimin, por thotë se u bë nga disa “badihavgji”.
Sadiku në emisionin “Ditari” në Tëvë1, tha se protesta të tilla vetëm sa e vështirësojnë jetën e qytetarëve.
“Nuk dihej kush është organizatori, as arsyeja e mbledhjes së protestës. Numri ishte i vogël dhe nuk u kuptua as çfarë deshën. Por jemi duke paguar çmimin e rrjeteve sociale dhe ‘badiahvgjive’.Ka një milion të protestohet në Kosovë por edhe në komunat veriore, por jo në këtë mënyrë. Kjo ua vështirëson jetën qytetarëve”, tha ai.
Ministri i Punëve të Brendshme, Xhelal Sveçla kishte bërë thirre qytetarëve të mos marrin pjesë në këtë protestë, e cila sipas publikimeve në rrjetet sociale ishte bërë me ftesën “Marshojmë për Veriun”
Protestuesit edhe ashtu në numër të vogël ishin shpërndarë të qetë.
Sadiku ka folur edhe për situatën në veri të Mitrovicës dhe punënë e kryetarit.
Ai ka thënë se puna po shkon pa ndonjë problem.
Kush e ftoi protestën e qytetarëve shqiptarë në Mitrovicën e Veriut